Aktuell

    

 



Leider hämer eus vomene witere flauschige Fründ müesse verabschiede....

Liebe Hendrik...ganz überraschend und viel z frühe häsch eus verlah....immer wieder han i denkt... es isch nur en böse Traum und ghofft i wache bald uf...

Du bisch euse Clown im Stall gsi...es gstandnigs Ross wo im Umgang au oft zeigt het...was für Chraft i dir steckt....

Im innere bisch aber ganz en sensible gsi...häsch meh gspürt als mängs  öper denkt hät.

Jetzt bisch uf de endlose Weid mit all dene tolle Ross wo mer scho händ müesse gah la...

Mer sind wahnsinnig truurig...und werdet dich nie vergesse...au du wirsch für immer es Plätzli i eusem Herze ha...

 

 

 

Leider hämer eus vo eusem flauschige Fründ müesse verabschiede...

Liebe Lotus im Chopf häsch es mängmol nöt welle wahr ha...dass din Körper scho galteret het...

Schön das jetzt wieder chasch mit vielne schöne Stüetli über die endlos Weid galoppiere...

Trotzdem sind mir wahnsinnig truurig dich mit dinere liebe Art nüme bi eus im Stall zha.

Mer werdet dich nie vergesse...i eusem Herze wirsch für immer es Plätzli ha...